Schmatztruckli -
Wär steckt drhinger?
Schmatztruckli isch 2022 vo mir, Sara Studer gründet worde. Scho es Zytli hani dr Wunsch gha, mi säubständig ds mache. Da Choche und Ässe mini Lideschafte si, isch klar gsi i welem Bereich das söu si. O ds Reise spielt i mim Läbe e wichtegi Rolle u dadrmit hani mit mim Foodtruck genau die richtegi Form für mi gfunge.
Da bi üs im Chäuer ungnützti Crêpes-Platte umegstange si, hani churzer Hand es Teschtässe für mini Nachbere organisiert. Denn so Crêpes ds dräje muess güebt si!
Crêpes si e ungloublech vielsitegi Sach; me chase süess u salzig mache u drum für jede Gschmack öpis feins kreiere.
Crêpes
Crêpes si ds ideale Aagebot für jedes Fescht! Öb salzig oder süess, es isch für jede Gschmack öpis drbi.
Plansch du es Fescht? Gärn stelli mis Aagebot nach dine Wünsch zäme.
Wraps
Mini Wrap si es riichhautigs und usgwognis Mittagässe zum Mitnäh oder grad vor Ort gniesse. I verwände nur früschi Produkt, mache säuber Sosse oder Igmachts für dri oder bezieh hochwärtegi Produkt vo lokale Produzänte.
Ds Pouletfleisch chunnt vom «Hof am Stutz» in Choufdorf.
Es git natürlech o immer e vegetarischi Wrap-Variante im Agebot. I lah mire Kreativität gärn freie Louf u passe drum mis Agebot geng mau wieder a oder probiere öpis Nöis us.
Das Aagebot isch füre Momänt igstellt.
Standort
Mit mim Crêpes-Agebot bini ir Region Münsige ungerwägs das si die kommende Aaläss:
-
Int. Katzenaustellung, Burgdorf, 12. & 13. Oktober 2024
-
"Ungerem Schmittedach", Handwärch und Schlemmereie, Münsingen, Samstag, 9. November 2024
-
Adventsaustellung Eisenmoos, Tägertschi Samstag, 16. und Sonntag, 17. November 2024
Verfügbare Wochenenden:
Freitag, 18. Oktober 2024
Samstag, 19. Oktober 2024
Unter der Woche auf Anfrage.
Ab 18. November 2024 Winterpause bis 28. März 2025
